ಹೆಜ್ಜೆಗಳು,

 

ಹೆಜ್ಜೆಗಳು,

------------------

ನಿಶೆಯ ನೀರವತೆಯಲ್ಲಿ
ಮನ ಜಾಗೃತಗೊಂಡು
ಕಣ್ತೆರೆದು ನೋಡಿದಾಗ
ನಿನ್ನ ಮೃದು ಮೃಧುರ ಹೆಜ್ಜೆಗಳಲ್ಲಿನ
ಗೆಜ್ಜೆಗಳ ಸದ್ದು!
ಬೆಚ್ಚಿ ಬಿದ್ದರೆ
ನಾಲ್ಕು ಹನಿ ಕಣ್ಣೀರು ಮಿಡಿದು
ಜೋಗುಳ ಹಾಡುತ್ತವೆ

ಈಗ,
ಬೆಳದಿಂಗಳ ರಾತ್ರಿಯಲ್ಲಿ
ಮತ್ತೊಮ್ಮೆ ಕಣ್ಣರಳಿಸಿಜ್ಜೆಗಳ್
ಮೆಲ್ಲನೆ ಶಬ್ದಿಸುವ
ಗೆಜ್ಜೆಗಳ ಸದ್ದಾಲಿಸಿ
ನಿನ್ನ ಹೆಜ್ಜೆಗಳ ಹಿಂಬಾಲಿಸಲು ತವಕಿಸುತ್ತೇನೆ

ಹಾಲು ಚೆಲ್ಲಿದ
ಬೆಳದಿಂಗಳ ರಾತ್ರಿಯಲ್ಲಿ
ರಸ್ತೆಯನ್ನೆಲ್ಲಾ ಕೆದಕಿ
ಹೆಜ್ಜೆ ಗುರುತು ಕಾಣದೆ
ಕಂಗಾಲಾಗಿ ದಿಗಿಲುಗೊಂಡಾಗ.....
ದೂರದಲ್ಲೆಲ್ಲೋ ನೀ ನಡೆವ
ಹೆಜ್ಜೆ ಸಪ್ಪಳಕೆ ಕಣ್ಮುಚ್ಚುತ್ತೇನೆ
ನಾಳೆಯ ನಿಶೆಯ ನೀರವತೆಯಲ್ಲಿ
ಮತ್ತೆ ನೀ ಇಟ್ಟ
ಹೆಜ್ಜೆಗಳ ಎಣಿಸಲು.....