ನೆನಪು

ನೆನಪು
---------
ನಾ ನೆಟ್ಟು ಬೆಳೆಸಿದ
ಗಿಡದ ತುಂಬಾ ಅರಳಿದ
ಘಮಘಮಿಸುವ ಹೂಗಳ
ಪ್ರತಿ ಪಕಳೆಗಳ ಮೇಲೆ
ಬಿದ್ದ ಮುಂಜಾವಿನ
ಮಂಜಿನ ಹನಿಗಳು
ಹೊಳೆಯುತ್ತವೆ ಸೂರ್ಯ
ರೇಶ್ಮೆಯ ಹೊಂಗಿರಣಗಳ
ಲಾಸ್ಯ ಹೊರಹೊಮ್ಮುವ
ಪ್ರಭೆಯಲ್ಲಿ ನಿನ್ನ
ರಾಗಾನುರಾಗ ರಂಜಿತ
ಕೋಮಲ ಮುಖಾರವಿಂದದಿಂದ
ಚಿಮ್ಮುವ ನಸು ನಗೆಯ
ಪ್ರತಿಫಲದ ನೆನಪು.
ಈ ಗಿಡದ ಹಸಿರು ಬಾಡಿ
ಮೆಲ್ಲನೆ ಗಾಳಿಗೆ
ತಲೆ ಬಾಗಿದಾಗ
ಪಟಪಟನೆ ಉದುರುವ
ಪಾರಿಜಾತದ ಹೂಗಳು
ನೆಲತುಂಬಾ ಹಾಸುಹಾಸು
ಬಿದ್ದ ಹಾಗೆ,
ನಿನ್ನ ಹಾಲ್ಗೆನ್ನೆಯ ಮೇಲೆ
ಬಿದ್ದು ಉರುಳಿ ಬೀಳುವ
ಕಣ್ಣೀರ ಮುತ್ತುಗಳ ನೆನಪು.......