ಮೊರೆ

ಮೊರೆ
-------------
ಮೇಲೆ ನೀಲಾಕಾಶ
ಕೆಳಗೆ ಭೂಮಿಯಲ್ಲಿ ಹೂತು
ಮೇಲೆ ಬರಲಾರದೇ
ಮತ್ತೂ ಮತ್ತೂ ತನ್ನಾಳಕ್ಕೇ
ಎಳೆದುಕೊಳ್ಳುತ್ತಿರುವ ಭೂಮಿ
ಇನ್ನೂ ಕ್ಷೀಣವಾಗಿರದ
ನನ್ನ ಎದೆಬಡಿತದ
ಸದ್ದಿಗೆ ಕಿವಿಗೊಟ್ಟು
ನನಗೆ ಸಹಾಯ ಮಾಡಲಾರಿರಾ?

ಅಂಗಳದ ಸುತ್ತ
ಕುಲುಕುಲು ನೀನಾದ
ಅಳುವ ಮಗುವಿನ ಸಾಂತ್ವನ
ಬಾನಾಕಾಶದಲ್ಲಿ ಹರಡಿರುವ
ಕಪ್ಪು ಮೋಡ
ಸಾಗರದ ಗಂಭೀರ ಮೊರೆತ
ತನ್ನೊಡಳೊಳಗೆ ಎಳೆದುಕೊಳ್ಳುವ
ಪರಿಧಿಯಿಂದ ಹೊರಜಗತ್ತಿಗೆ
ತರಲು ಪ್ರಯತ್ನಿಸಿ
ಸಾಯುವ ಹಸಿ ಜೀವಕ್ಕೆ
ಹೊಸ ನೀರು ಕೊಟ್ಟು ಬೆಳೆಸಿ
ಹೊಸ ಉಸಿರು ಕೊಟ್ಟು ಕಾಪಾಡಿ.